Kanínurnar á Kirkjubólsvelli -11. febrúar 2012. Mynd: Golf 1
Ragnheiður Jónsdóttir | maí. 6. 2013 | 15:00

Golfreglur: Bolti út af

Nú þegar golftímabilið fer að hefjast og kylfingar landsins streyma á golfvellina, sem fara að opna hver á fætur öðrum í þá er e.t.v. rétt að rifja upp golfreglurnar.

Það verður gert hér á Golf1 í raunhæfum dæmum, sem kylfingar geta glímt við en svörin eru jafnframt gefin upp við hverri spurningu.

Raunhæft dæmi:

Þetta raunhæfa dæmi er e.t.v. ekki svo raunhæft hér á landi og nýtist einkum kylfingum sem spila á golfvöllum erlendis. Engu að síður gott að kunna reglurnar þó þær nýtist e.t.v. aðeins á völlum erlendis. Hér fer raunhæfa dæmið:

Bolti leikmanns lendir í héraholu, sem er þannig að boltinn lendir í holuinngangspartinum sem er  inni á vellinum en boltinn rúllar eftir endilangri holunni og lendir út af hinum megin við vallarmarkargirðingu.  Hvernig dæmist?

A. Þetta er vítalaust.

B. Þar sem boltinn lenti í héraholunni inn á vellinum þá má leikmaðurinn droppa boltanum, þaðan sem boltinn fór í holuna inni á vellinum og fá síðan lausn frá héraholunni ef hann vill.

C. Boltinn er út af og leikmaðurinn verður að fara að reglu 27-1b (Þar segir: „Ef bolti er út af, verður leikmaðurinn gegn 1 vítahöggi að leika bolta eins nærri og unnt er á þeim stað þaðan sem upphaflega boltanum var síðast leikið.“)

D. Leikmaðurinn verður að finna upphaflega boltann sinn og droppa honum á punkti beint yfir héraholunni, þar sem hann er út af. Ef hann getur ekki fundið boltann má hann nota annan bolta í stað þess fyrri.

Skrollið niður til að sjá rétt svar

|

|

|

|

|

|

|

|

|

|

|

|

Rétt svar:  C. Þar sem boltinn er út af verður að fara að reglu 27-1. Ekki er hægt að fá lausn skv. reglu 25-1 vegna holu af völdum grafdýrs. Niðurstaðan byggist m.a. á úrskurði 25-1b/24.

Gott er í þessu sambandi að skoða skilgreiningarnar á „grafdýr“ (ens.: burrowing animal) og „út af“ (ens. out of bounds).