Golfreglur: Æfing

Nú þegar golftímabilið fer að hefjast og kylfingar landsins streyma á golfvellina, sem fara að opna hver á fætur öðrum í þá er e.t.v. rétt að rifja upp golfreglurnar.

Það verður gert hér á Golf1 í raunhæfum dæmum, sem kylfingar geta glímt við en svörin eru jafnframt gefin upp við hverri spurningu.

Raunhæft dæmi:

Í höggleikskeppni er einn leikmaðurinn að bíða eftir að geta slegið inn á flöt vegna hollsins á undan. Honum leiðist biðin þannig að hann droppar öðrum bolta en þeim sem er í leik hjá honum á brautina og fer að  æfa púttin, þannig að hann púttar bolta sínum tvisvar, þ.e. tekur tvær púttstrokur á braut. Hvernig dæmist?

A. Þetta er vítalaust.

B. Leikmaðurinn fær 1 högg í víti.

C. Leikmaðurinn fær 2 högg í víti.

D. Leikmaðurinn fær 4 högg í víti, sem hann verður að bæta á skorkortið sitt – almennt 2 högga víti fyrir hvora púttstroku sem hann tekur.

Skrollið niður til að sjá rétt svar

|

|

|

|

|

|

|

|

|

|

|

|

Rétt svar:  C. Leikmaðurinn fær almennt 2 högga víti. Niðurstaðan byggist m.a. á ákvörðun 7-2/2