Ragnheiður Jónsdóttir | febrúar. 6. 2013 | 15:00

Golfleiðbeiningar: 10 reglur Stocktons um hvernig eigi að setja niður 2 metra pútt (5. grein af 10)

Hér verður fram haldið með 1 af 10 reglum golfkennarans og fyrrum PGA Tour leikmannsins Dave Stockton, um, hvernig setja eigi niður 2 metra pútt:

4. Sjáið púttið fyrir ykkur – „Hugsið jákvætt um púttið í þátíð“

Þið hafið heyrt að það hjálpi við pútt ,að sjá fyrir sér að púttið detti, þ.e. að hugsa jákvætt, ímynda sér að púttið detti. En þið ættuð að ganga lengra en það. Ímyndið ykkur að þið séuð að horfa á boltann fara 2 metra frá því þið púttið og …. hann dettur í bollann á myndskeiði. Þessi mynd ætti að vera svo sannfærandi og sterk að þið verðið yfir ykkur hissa, ja næstum sjokkeruð ef boltinn dettur ekki. Það er þannig sem Stockton líður þegar hann er að pútta vel – hann er algerlega hissa þegar boltinn dettur ekki í holuna.

Gerið allt sem þið getið til þess að setja 2 metra púttið í þátíð (þ.e. það er komið í þátíð þegar þið eruð að horfa á glæsilegt 2 metra pútt ykkar fara ofan í holuna í ímyndaða myndskeiðinu ykkar. Sjáið nákvæmlega fyrir ykkur leiðina sem boltinn fer og brotið í púttflötinni).

Ef boltinn dettur ekki þegar þið raunverulega púttið …. Hversu oft hafið þið ekki, stillt upp aftur og reynt aftur og boltinn dettur? Þið verðið að nota þetta „annað skipti“ hugarfar (oft afslappaðra) í fyrsta púttinu ykkar.