Golfklúbbur Hellu í 60 ár – sögur og fleyg orð (7. hluti af 12) – tekið saman af Ólafi Stolzenwald

Hér er komið að skemmtilegum hluta í samantekt Ólafs Stolzenwald, en það eru nokkrar vel valdar sögur úr 60 ára sögu GHR:

Flugumferð: Flugbrautin okkar 3. braut ber nafn sitt með rentu,  því að tryggingasali úr borginni flaug reglulega með golfsettið og lenti á 3. holunni og hóf leik sem fyrstu holu og hans átjánda braut var því önnur hola hans!

Pípan aldrei langt undan: Geinarhöfundur man eftir því að hafa spilað vorgolf með Hauk Baldvinssyni brautryðjanda í trjáræktinni á Strandarvelli,  kallinn sem þekktur fyrir að reykja pípu,  lenti í hól á 6 braut og var eitthvað basla með það að koma kúlinni úr loðnum hólnum.  Það gekk en ákvað að slá úr pípunni í leiðinni á vedgeinn sinn sem hann var vanur að gera.  Síðan löbbum við að flötinni en lítum til baka, hóllinn stendur í ljósum logum og var svartur langt fram á vori.

Formaður okkar Svavar Friðleifsson átti margar fleygar setningar: Við gamla skálann okkar var ansi langt í bílastæðin og smá labb að fyrstu holu,  eitt sinn kemur kylfingur að spila og hann keyrir nánast upp að skálanum, formaður kemur út og spyr hvort viðkomandi ætli að spila 18 holur, og kauði sagði já….,, ég er ekki viss um að þú getir það‘‘

Formaður var á GSÍ fundi sínum fyrsta og mikil umræða var í lok þings og margir báðu um orðið……í lok umræðu réttir okkar maður upp hönd vill taka til máls og segir ,,er ég örugglega á GSÍ þingi eða er þetta aðalfundur GR?‘‘