Golfgrín á þriðjudegi

Þar sem nú eru mánaðarmót og margir í bankarápi og öðrum leiðinda mánaðarmótaerindum og aðrir enn að jafna sig á að þurfa aftur að byrja að vinna eftir páskafrí, er ekki úr vegi að reyna að létta lund kylfinga svolítið.  Það góða er að það er jú kominn þriðjudagur og bara 3 dagar í næstu helgi …. og fullt af skemmtilegum golfmótum í boði fyrir kylfinga þá!

Hér er einn gamall og góður: 

Læknir, prestur og lögfræðingur spila saman golf og lenda á eftir alveg sérstaklega hægu holli, sem verður til þess að það óvenjulega gerist …. allir þrír missa þolinmætina….. hver á sinn hátt.

Lögfræðingurinn (önugur): Hvað er að hjá þessum gaurum? Við hljótum að hafa beðið núna í 15 mínútur og það bara á þessari braut!!!

Læknirinn (eitthvað léttari): Já, ég verð að segja ég hef bara ekki séð svona slæpingshátt!

Presturinn: (næstum í fullkomnu jafnvægi): Hey, strákar, hérna er vallarstarfsmaður. Tölum við hann [dramatísk pása]. „Hæ, Georg. Hvað er að með náungana þarna á undan okkur? Þeir spila fremur hægt, er það ekki?

Georg: Ó, já þetta er hópur af hálfblindum slökkviliðsmönnum. Þeir töpuðu helming sjónar sinnar þegar þeir björguðu klúbbhúsinu okkar úr eldi á síðasta ári… þannig að við leyfum þeim að spila hvenær sem þeir vilja, frítt!

Þögn sló á hollið eitt augnablik.

Presturinn: Þetta var leiðinlegt. Ég mun fara með sérstaka bæn fyrir þá í kvöld.

Læknirinn: Góð hugmynd. Og ég held ég hringi í vin minn í kvöld, sem sérhæfir sig í augnlækningum til að sjá hvort hægt sé að gera eitthvað fyrir þá!

Lögfræðingurinn: Geta þeir ekki spilað á kvöldin?