Góð byrjun hjá Ólafi Birni – lék á 69 1. dag!

Ólafur Björn Loftsson, NK, tekur þátt í úrtökumóti fyrir Evrópumótaröðina, sem fram fer í Hardelot, Frakklandi.

Fyrsti hringur var leikinn í gær og lék Ólafur Björn á glæsilegum 2 undir pari, 69 höggum og deilir sem stendur 14. sætinu með 8 öðrum og er í góðum málum að komast áfram á 2. stig úrtökumótsins.

Ólafur Björn var með 4 fugla og 2 skolla á þessum flotta hring.

Um 1. daginn í Hardelot skrifaði Ólafur Björn eftirfarandi á facebook síðu sína:

„Ég fór vel af stað í úrtökumótinu í Frakklandi í dag, lék á 69 (-2) höggum. Sáttur með spilamennsku dagsins, spilaði stöðugt og flott golf. Boltaslátturinn var betri en í síðustu mótum, hitti allar brautirnar nema eina og hitti 16 flatir ítilætluðum höggafjölda. Púttin voru ágæt á hringnum þó ég hefði verið til í að sjá aðeins fleiri detta. Frábært að hafa pabba á pokanum, við skemmtum okkur vel í dag. Nú er það bara að halda áfram að hafa gaman og gera enn betur á morgun. Fer út kl. 9:19 á staðartíma í fyrramálið.“

Ólafur Björn fer út eins og hann segir hér að ofan kl. 9:19 í dag að staðartíma (sem er u.þ.b. eftir 20 mínútur að íslenskum tíma þ.e. kl. 7:19 og sendum við Ólafi Birni heillaóskir um að honum gangi sem allra best!“

Fylgjast má með Ólafi Birni á skortöflu með því að SMELLA HÉR: