![](https://www.golf1.is/wp-content/uploads/2014/02/ec38298e7ba5417f028c2ab7dbf8ded8.jpg)
GO: Púttmótaröð GO-kvenna hefst í Kauptúni kl. 18:00 á morgun fimmtudaginn 6. febrúar!
Púttmótaröð GO-kvenna hefst á morgun í Kauptúni kl. 18:00 og barst eftirfarandi fréttatilkynning frá kvennanefnd GO:
„Kæru GO konur!!!
Gleðilegt ár og takk fyrir frábært golfár sem var að líða !
Nú er komið að innanhúss púttmótaröðinni 2014.
Spilaðar verða 6 umferðir í Kauptúni, Garðabæ, innanhússæfingasvæði Odds, sem er gegnt IKEA.
Nýi púttvöllurinn er nú rétt í þessu að verða tilbúinn og er enn betri en í fyrra, eitthvað hefur hann þó minnkað en strákarnir í Kauptúni lofa skemmtilegum velli.
Því er ekki eftir neinu að bíða….og við byrjum strax í þessari viku og spilum fram að konukvöldi GO….en dagsetningin er ekki alveg komin á hreint…en við sendum upplýsingar um það fljótlega
3 bestu skor gilda.
Í ár verður fyrsta mótið haldið á fimmtudaginn 6. febrúar og frá kl. 18.00-19,30.
Við höfum ca. 1,5 klukkustund til umráða og því er mikilvægt að mæta til leiks á réttum tíma. Munið eftir að taka með ykkur golfkúlu, blýant og að sjálfsögðu pútterinn!!
Þá viljum við endilega biðja ykkur að koma skilaboðum til GO kvenna að láta skrá sig á póstlista kvennastarfsins á gudmundina@logvik.is
Við hvetjum ykkur allar til að taka þátt, enda er þetta kjörin vettvangur til að kynnast öðrum konum í klúbbnum.
Þátttökugjald er kr. 500 í hvert skipti…………………..Munið að koma með reiðufé !
Gaman að setjast niður og spjalla saman eftir púttmótið og efla félagsanda innan klúbbsins!!
Vonumst til að sjá sem flestar ykkar á púttkvöldum, hressar og kátar…………..og alls ekki gleyma keppnisskapinu !!
Hér að neðan eru helstu golfreglur sem gilda á púttmótaröðinni“
Kvennanefndin
Helstu reglur í púttmótum Odds í Kauptúni
· Spilaðar eru 18 holur í hvert skipti. Ef tími gefst til er leyfilegt er að taka tvo 18 holu hringi og telur betri hringurinn í keppninni.
· Allir sem taka þátt í mótinu verða að hafa meðspilara og skráir hvor þeirra skor hins leikmanns eins og venja er í golfleik.
· Leikmaður og ritari þurfa að kvitta fyrir skráðu skori áður en skilað er inn til umsjónarmanns.
· Skorkortið verður að vera fyllt út skilmerkilega með nafni og kennitölu leikmanns.
· Í byrjun hverrar brautar verður að stilla bolta upp við hliðina á teigmerki.
· Klára verður hverja holu til að fá skor.
· Eitt högg er í víti ef bolti snertir vegg.
· Færa má bolta frá vegg þar til viðunandi staða er fengin, en þó ekki nær holu.
· Ef tveir eða fleiri eru jafnir gilda seinni níu. Ef enn er jafnt, þá gilda seinustu sex, síðan seinustu þrjár. Ef enn er jafnt skal varpa hlutkesti.
- júlí. 27. 2024 | 09:00 European Young Masters: Ísland í 16. sæti fyrir lokahringinn
- júlí. 27. 2024 | 07:00 Íslandsmót golfklúbba: GV Íslandsmeistari í 2. deild karla
- júlí. 26. 2024 | 23:45 Evrópumót einstaklinga: Íslandsmeistarinn spilar ein íslensku keppendanna lokahringinn
- júlí. 26. 2024 | 23:40 Íslandsmót golfklúbba: GA Íslandsmeistari í 2. deild kvenna
- júlí. 26. 2024 | 23:30 Afmæliskylfingar dagsins: Guðmundur Arason og Lucinda Grímsdóttir – 26. júlí 2024
- júlí. 25. 2024 | 21:00 Afmæliskylfingur dagsins: Erla Pétursdóttir -25. júlí 2024
- júlí. 25. 2024 | 20:30 PGA: Horschel dro sig úr 3M Open
- júlí. 25. 2024 | 20:00 Sports Illustrated með umfjöllun um Arctic Open á Akureyri
- júlí. 24. 2024 | 16:00 Afmæliskylfingur dagsins: Björn Ólafur Ingvarsson – 24. júlí 2024
- júlí. 24. 2024 | 11:00 GKB: Brynhildur og Andri Jón klúbbmeistarar 2024
- júlí. 24. 2024 | 09:00 Íslandsmótið 2024: Aron Emil hlaut Björgvinsskálina
- júlí. 24. 2024 | 07:00 GSE: Lovísa Huld og Hrafn klúbbmeistarar 2024
- júlí. 23. 2024 | 19:00 GVS: Heiður Björk og Helgi klúbbmeistarar 2024
- júlí. 23. 2024 | 17:50 GE: Halldóra Guðríður og Magnús klúbbmeistarar 2024
- júlí. 23. 2024 | 17:00 Íslandsmótið 2024: Hulda Clara sú fyrsta sem fær Guðfinnubikarinn