GKG: Minningarmót um Jón Ólafsson og Ólaf Einar Ólafsson 29. ág. n.k.

Golfklúbbur Kópavogs og Garðabæjar stendur fyrir minningarmóti um næstu helgi sem er styrktarmót fyrir afrekssvið GKG.

Mótið er haldið til minningar um Jón Ólafsson fyrrum formann afreksnefndar GKG og Ólaf Einar Ólafsson fyrrum framkvæmdastjóra GKG.

Mótið fer fram 29. ágúst á Leirdalsvelli og eru verðlaunin glæsileg. Keppnifyrirkomulagið er punktakeppni og einnig eru veitt verðlaun fyrir besta skor án forgjafar.

Stórglæsileg verðlaun fyrir 3 efstu sætin í punktakeppni og besta skor án forgjafar, nándarverðlaun á öllum par 3 holum. Dregið verður úr skorkortum við verðlauna afhendingu.
Verðlaun:
1. sæti í punktakeppni: Ameríkuferð með Icelandair.
Besta skor: Ameríkuferð með Icelandair.
Aðrir vinningar: N1, Ecco, Ölgerðin, Örninn golfverslun, ISAM, Golfklúbbur Reykjavíkur, Golfklúbburinn Keilir, Nesklúbburinn, Golfklúbbur Kópavogs og Garðabæjar, Íslandsbanki.

Verð einungis 5.500 kr og kjötsúpa að hætti Sigga vert innifalin að leik loknum.