Þórdís Geirsdóttir, GK. Mynd: Golf 1
Ragnheiður Jónsdóttir | janúar. 28. 2013 | 17:00

GK: Þórdís Geirs og Kristín Fjóla voru á besta skorinu 29 púttum á 2. púttmóti Keiliskvenna

Ingveldur í kvennanefnd Keilis ritar eftirfarandi um 2. púttmót Keiliskvenna:

Það var metþátttaka í púttmótinu sl. miðvikudag 59 konur mættu. Þar sem við höfum eingöngu klukkutíma fyrir okkur þurfum við að breyta fyrirkomulaginu á púttmótunum. Við reyndum að fá annan tíma en það er ekki hægt, það er einfaldlega svo mikið bókað í Hraunkoti að annar (lengri) tími er ekki í boði, það verða einnig að vera lausir tímar fyrir hinn almenna kylfing og þá sem eru að taka þátt í liðakeppnum. Við getum ekki byrjað fyrr því þá eru í gangi æfingar hjá unglingunum og strax á eftir okkur er golfnámskeið sem fólk er búið að greiða fyrir. Við verðum að virða þessa tíma rétt eins og við viljum að okkar tími sé virtur.

Það sem við ætlum að gera til að ekki verði þetta stress er að við munum nota fyrstu 10 – 15 mín til frjálsrar æfinga í púttunum og síðan byrjað mótið kl. 19:15 og spilaður verður EINN HRINGUR. Við ættum léttlilega að geta lokið honum 45 mín þó við verðum mjög margar. Síðan höfum við kaffi og spjall uppi á eftir.
Okkur í kvennanefndinni finnst frábært að fá svona margar konur í púttmótin og vonum að þið hættið ekki að mæta þó svo að við verðum að gera þessa breytingu.

Í síðasta móti létum við fyrri hringinn gilda hjá öllum, það náðu ekki allar að klára og því verður eitt yfir alla að ganga. Ég vona að þið sýnið þessu skilning.

Besta skorið var hjá Þórdís Geirsd og Kristínu Fjólu, 29 pútt, næst kom Guðrún Bjarna með 30 og svo voru Ragnheiður Ríkharðs, Helga Jóhanns og Dagbjört Bjarna með 31 pútt.“