Hvaleyrin er uppáhaldsgolfvölllur Ellerts. Hér frá 9. flöt. Mynd: Golf 1
Ragnheiður Jónsdóttir | febrúar. 11. 2013 | 13:30

GK: Hvaleyrin fær góða dóma hjá Leadingcourses.com

Hvaleyrin, golfvöllur Golfklúbbsins Keilis í Hafnarfirði var á síðasta ári valin meðal 100 bestu golfvalla Evrópu.

Og enn eru erlendir fagaðilar, sem taka út golfvelli að gefa golfvöllum á Íslandi einkunn og skorar Hvaleyrin þar hæst allra golfvalla hérlendis.

Það eru fréttamenn vefsíðunnar leadingcourses. com by golfers for golfers sem spiluðu nokkra  velli hér á landi og gáfu þeim í kjölfarið einkunn.

Hvaleyrin hlaut einkunina 8,6 – en hæst var hægt að fá 10.  Næstbesti völlurinn að mati leadingcourses.com hérlendis var Oddurinn með 8,4 í einkunn, en vellir sem fengu lægri einkunn eru m.a. eftirfarandi: Vestmannaeyjavöllur 8,2; Kiðjabergið 8,2; Grafarholtið 7,8; Leiran 7,7; Leirdalsvöllur 7,4; Selsvöllur á Flúðum 7,1; Garðavöllur á Akranesi 7,0; Korpan 6,9 og Jaðarinn 6,5.

Komast má á síðu leadingcourses.com með því að SMELLA HÉR: