GK: Hreinsunarmótið fer fram 4. maí

Þá er það ákveðið, vinsæla Hreinsunarmótið verður haldið 4. maí n.k.

Mæting er fyrir þá sem vilja taka til hendinni klukkan 09:00. Tekið verður á því til 12:30, síðan verður grillað og allir síðan ræstir út klukkan 14:00.

GK hvetur félagsmenn sína til að klæða sig eftir veðri og einnig til að taka með sér vinnuvettlinga.

Verkefnin verða fjölmörg og nóg fyrir alla að gera.

Golfvöllurinn verður síðan opinn fyrir rástímapantanir mánudaginn 5. maí. Keilisfélagar geta byrjað að bóka sig á rástíma á laugardagskvöldið klukkan 20:00. Fyrsti koma fyrstir fá….

GK vonar að veðrið verði öllum hliðhollt í sumar, allir eigi eftir að njóta sumarsins og lækka forgjöfina!