Birgir Björn Magnússon, GK, Íslandsmeistari í höggleik 2011 í strákaflokki og í holukeppni í drengjaflokki 2012. Mynd: Golf 1
Ragnheiður Jónsdóttir | júlí. 12. 2013 | 07:00

GK: Birgir Björn og Þórdís með 8 högga forystu eftir 2. dag

Birgir Björn Magnússon og Þórdís Geirsdóttir halda forystu sinni á Meistaramóti Keilis, þegar keppnin er hálfnuð.

Birgir Björn bætti sig enn frá 1. degi og lék 2. hringinn á 1 undir pari, 70 höggum.

Samtals er Birgir Björn því búinn leika á 142 höggum (72 70) og hefir 8 högga forystu á þá sem næstir koma: Benedikt Sveinsson, sem er í 2. sæti (75 75) og Benedikt Árna Harðarson (74 76).

Þórdís Geirsdóttir er líka með 8 högga forystu í Meistaraflokki kvenna. Hún er búin að spila á samtals 13 yfir pari (81 74) og bætti sig um 7 högg milli hringja í gær!  Í 2. sæti í kvennaflokki er Jódís Bóasdóttir á 21 yfir pari (83 80).