GK: Anna Snædís sigraði á 1. púttmóti Keiliskvenna 2013 með 27 pútt!!!

_{Kvennanefnd Keilis sendi frá sér eftirfarandi fréttatilkynningu:}

_{Það var flott mæting á fyrsta púttmótið: 45 konur. Það var sérlega gaman að sjá nokkur ný andlit í hópnum og vonumst við til að sjá þær aftur á næstu mótum. Fyrir þær sem  nýjar eru í klúbbnum eða hafa ekki tekið þátt í kvennastarfinu þá eru púttkvöldin mjög góð leið til að komast inn í starfið.}

_{Besta skor kvöldsins átti Anna Snædís Sigmarsdóttir með 27 pútt; næst kom Helga Jóhannsdóttir með 29 pútt og 3. besta skor átti Lovísa Hermannsdóttir  með 30 pútt. Svo komu 5 konur með 31 pútt. Þetta verður hörkuspennandi í vetur.}

Lokahóf Keiliskvenna er sett 15. mars, þá verður verðlaunaafhending fyrir púttmótin og hefðbundin skemmtun; Keiliskonur takið frá það kvöld!

Hlökkum til að sjá ykkur á á morgun, miðvikudaginn kl. 19:00, munið að mæta tímanlega, við byrjum á stundvíslega.