Ragnheiður Jónsdóttir | apríl. 24. 2022 | 22:00

Girls U16 Amateur: Perla Sól varð T-6 og Helga Signý í 77. sæti

Helga Signý Pálsdóttir og Perla Sól Sigurbrandsdóttir kepptu báðar á áhugamannamóti R&A fyrir stúlkur yngri en 16 ára (Girls U16 Amateur Championship) sem fram fór á Englandi dagana 22.-24. apríl 2022 og lauk í dag.

Mótið var sett á laggirnar árið 2018 og að þessu sinni var keppt á Enville golfsvæðinu skammt frá Birmingham á Englandi.

Alls voru 90 keppendur og komu þeir frá fjölmörgum löndum víðsvegar úr heiminum.

Keppnisfyrirkomulagið mótsins er 54 holu höggleikur en R&A setti mótið á laggirnar til þess að búa til verkefni fyrir efnilegustu kylfingana í stúlknaflokki yngri en 16 ára.

Perla Sól og Helga Signý eru báðar úr Golfklúbbi Reykjavíkur og hafa verið í fremstu röð í sínum aldursflokki undanfarin misseri.

Á mótinu varð Perla Sól T-6 lék á samtals 11 yfir pari, 227 höggum (77 75 75).

Helga Signý varð í 77. sæti; lék á samtals 43 yfir pari, 259 höggum (87 88 84).

Sjá má lokastöðuna á Girls U16 Amateur Championship með því að SMELLA HÉR: