GÍ: Rögnvaldur og Valtýr sigruðu í Mýrarboltanum – Gutti fór holu í höggi – Jón Guðmunds fékk verðlaun fyrir besta „look“-ið!

Í dag fór fram á Tungudalsvelli á Ísafirði, Mýrarboltagolfmótið.

Það sem bar helst til tíðinda í mótinu var að Guðvarður Jakobsson úr GBO fór holu í höggi á 6. braut í Mýrarboltamótinu. Gutti notaði 8 járn og lenti boltinn á tungunni við bönkerinn hoppaði einu sinni og rann í holuna, fullkomið högg hjá Gutta. Sjötta holan er 123 metrar að lengd.

Golf 1 óskar Gutta innilega til hamingju með draumahöggið!!!

Annars urðu úrslitin þessi:

Höggleikur:

1. sæti Rögnvaldur Magnússon, klúbbmeistari GO 2013, á 71 höggi
2  sæti Helgi Birkir Þórisson GSE á 72 höggum
3. sæti Ingunn Gunnarsdóttir GKG á 74 höggum.

Punktakeppni:

1. sæti Valtýr Gíslason 40 punktar
2. sæti Guðbjörn Salmar Jóhannsson 37 punktar
3. sæti Gauti Geirsson 37 punktar.

Næstur holu á 6. braut varð Guðvarður Þórarinn Jakobsson, GBO, en hann fór holu í höggi.

Næstur holu á 7. Braut varð Anton Helgi Guðjónsson, klúbbmeistari GÍ 2013,  en hann var 1,81 m frá holunni.

Þá voru veitt verðlaun fyrir besta look-ið í karla og kvennaflokki.

Í karlaflokknum varð það Jón Guðmundsson úr GKG, ekki var hægt að gera upp á milli þeirra kvenna sem þátt tóku, þannig að þær fara allar út að borða á Thaikoon.