Ragnheiður Jónsdóttir | júní. 9. 2015 | 12:00

GÍ: Ísinn golfmót laugard. 13. júní nk!

Ísinn golfmót verður haldið hjá Golfklúbbi Ísafjarðar, laugardaginn 13. júní 2015 og hefst kl.09:00.
Mótsgjald 2.500 kr.
Ísinn ísverksmiðja er flott fyrirtæki sem þjónustar Sjávarútveginn á norðanverðum Vestfjörðum, fyrirtækið lætur ekki mikið yfir sér en er vel rekið fyritæki í eigu einstaklinga og fyrirtækja á svæðinu.
Ísinn hefur um árabil styrkt GÍ með því að sjá um verðlaun á móti sem haldið er á Sjómannadagshelginni ár hvert. Það er vel við hæfi að svo sé. Auk þess að gefa verðlaun til mótsins, fær GÍ ákveðna upphæð frá Ísnum í takt við árangur kylfinga inni á vellinum, þ.e. greidd er ákveðin upphæð fyrir hvern punkt sem kylfingur fær. Ísinn greiðir GÍ sem nemur 50 krónum fyrir hvern fenginn punkt (hjá öllum keppendum).
Leikinn verður höggleikur með og án forgjafar í karla, kvenna og unglingaflokkum. Verðlaun verða veitt fyrir 3 efstu sæti í öllum flokkum. Nándarverðlaun á 6./15. holu eru 1 pakkning á 0,5 ltr coke frá Vífilfelli. Nándarverðlaun á 7./16. holu eru 2 kg af rækju frá Kampa ehf.
Mótanefnd áskilur sér rétt til breytinga.