Anton Helgi, sigurvegari í Klofningsmótinu
Ragnheiður Jónsdóttir | júní. 18. 2015 | 14:00

GÍ: Anton Helgi sigraði í 17. júní Þjóðhátíðardagsmótinu

Alls tóku 24 þátt í holukeppni sem haldin er árlega á 17. júní og var spilað í blíðskaparveðri. Ræst var út í þremur hollum sem spiluðu fjórar brautir og féll 1 úr leik í hverju holli þangað til fjórir voru eftir og sameinuðst þeir 12 sem eftir stóðu og kepptu þangað til einn stóð eftir sem sigurvegari.

Sigurvegarar í 17. júní Þjóðhátíðardagsmóti 2015; Steinar Páll (t.v.) Helgi Anton (2. f.v.). Mynd: GÍ

Sigurvegarar í 17. júní Þjóðhátíðardagsmóti 2015; Steinar Páll (t.v.) Helgi Anton (2. f.v.); Sólveig (4. f.v.). Mynd: GÍ

Anton Helgi Guðjónsson (GÍ) sigraði í bráðabana við Steinar Pál Ingvarsson (GÍ), þar sem þeir þurftu að vippa úr glompu fyrir neðan níundu og náði Anton Helgi að vera nær holu eftir æsispennandi bráðabana.
Anton Helgi vann síma að verðmæti kr. 40.000,- frá Símanum.

Steinar Páll fékk í verðlaun fyrir 2.sætið, bensínúttekt að verðmæti kr. 10.000,- frá Skeljungi.

Í þriðja sæti lenti Jón Hjörtur Jóhannesson (GÍ). Í verðlaun fékk hann kr. 10.000,- bensínúttekt frá Skeljungi.

Sérstök verðlaun fékk Sólveig Pálsdóttir (GÍ) fyrir að komast í 6 manna úrslit. Veitti hún körlunum einstaklega harða keppni.

Nándarverðlaun á 6.braut fékk Jón Hjörtur Jóhannesson (GÍ), 3,87m frá holu. Fékk hann kippu af kók frá Vífilfelli.

Nándarverðlaun á 7.braut fékk Tryggvi Sigtryggsson (GÍ), 1,63m frá holu. Fékk hann 2.5kg af rækju frá Kampa.

Fyrir að vera næstur merki á 5.braut frá teig var Guðmundur Gísli Geirdal (GKG). Fékk hann verkfærasett frá Wurth.

Mótsstjóri var Kristinn Þórir Kristjánsson sem stjórnaði mótinu af röggsemi.

Vill Golfklúbbur Ísafjarðar þakka styrktaraðilum fyrir stuðninginn og keppendum fyrir frábæra skemmtun.