GHR: Ninna Þórey, Guðrún Birna og Sara Ágústa sigruðu á Opna Lancôme kvennamótinu

Sunnudaginn 14. maí 2023 fór fram hið árlega Opna Lancôme kvennamót.

Þátttakendur í ár voru 31 og kepptu í 3 flokkum: (1) fgj-0-14; (2)14,1-25 og (3) 25,1-36.

Keppnisfyrirkomulag var punktakeppni.

Í 1. flokki sigraði Ninna Þórey Björnsdóttir, Golfklúbbi Reykjavíkur  (GR) á 26 punktum, en hún háði baráttu við Önnu Kristínu Hilmarsdóttur úr Golfklúbbi Mosfellsbæjar, sem lauk keppni á 23 punktum. Þær Ninna Þórey og Anna Kristín voru einu keppendurnir í 1. flokki.

Í 2. flokki sigraði Guðrún Birna Snæþórsdóttir úr Golfklúbbnum Keili (GK) – var á 39 punktum og sú eina sem spilaði á forgjöf í sínum flokki. Keppendur voru fjölmennastir í 2. flokki, eða 16 talsins.

Í 3. flokki sigraði síðan heimakonan Sara Ágústa Sigurbjörnsdóttir úr Golfklúbbi Hellu (GHR) – hún sigraði með afgerandi hætti; hlaut 40 punkta.

Teiggjafir og verðlaun voru að venju glæsileg og mótið í styrkt af Lancôme.

Sjá má öll úrslit í Golfboxinu með því að SMELLA HÉR: