GH: Birna Dögg og Valur Snær klúbbmeistarar 2022

Meistaramót Golfklúbbs Húsavíkur (GH) var haldið dagana 6.-9. júlí 2022.

Þátttakendur, sem luku keppni voru 26 og var keppt í 5 flokkum.

Meistaramótið var spennandi til lokadags. Fjórir flokkar spiluðu alla fjóra dagana en flokkur 67 ára og eldri lék tvo daga

Í flokki 67 ára og eldri var það Bjarni Sveinsson sem sigraði, en hann var jafnframt eini þátttakandinn. Bjarni lék samtals á 166 höggum.

Í 3. flokki karla var æsispennandi keppni milli þriggja efstu manna og réðust úrslitin á síðustu holu mótsins
1. Einar Halldór Einarsson – 416 högg
2. Fannar Ingi Sigmarsson – 417 högg
3. Hilmar Þór Guðmundsson – 418 högg

Í 2. flokki karla var sigurvegari í sérflokki en 25 höggum munaði þegar uppi var staðið á 1. og 2. sæti.
1. Axel Reynisson – 315 högg
2. Davíð Helgi Davíðsson – 340 högg
3. Methúsalem Hilmarsson – 358 högg

Í 1. flokki kvenna varði klúbbmeistarinn titilinn sinn örugglega, en úrslit um 3. sætið lauk ekki fyrr en eftir bráðabana.
1. Birna Dögg Magnúsdóttir – 335 högg
2. Kiddý Hörn Ásgeirsdóttir – 390 högg
3. Hulda Þórey Garðarsdóttir – 408 högg eftir bráðabana gegn formanni okkar Birnu Ásgeirsdóttur sem einnig lék á 408 höggum.

Í 1. flokki karla var krýndur nýr klúbbmeistari en hann er á 16. aldursári.
Sá lék gríðar öflugt golf og verður gaman að fylgjast með afrekum hans á komandi árum.
1. Valur Snær Guðmundsson – 291 högg
2. Arnþór Hermannsson – 295 högg
3. Agnar Daði Kristjánsson – 307 högg

Mótið gekk í alla staði mjög vel. Veðrið milt og gott ásamt því að Katlavöllur á Húsavík er í algjöru toppstandi.

Í aðalmyndaglugga:  Birna Dögg og Valur Snær, klúbbmeistarar GH 2022.  Mynd: GH.