GG: Styrktarmót fyrir nýjum golfskála Grindvíkinga í dag – Enn hægt að skrá sig

Á vef GSÍ er eftirfarandi fréttatilkynning frá mótanefnd Golfklúbbs Grindavíkur:

„ (Í dag) laugardaginn 31. mars verður opið mót á Hústatóftavelli. Veðurspá lofar góðu fyrir þann daginn.  Mótið er styrktarmót þar sem allur ágóði rennur í endurbætur og byggingu nýja golfskála okkar Grindvíkinga.

Hér er fyrst og fremst tækifæri fyrir kylfinga að leika á sumarflötum í mars við frábærar aðstæður.

Leikið er með punktafyrirkommulagi

Verðlaun fyrir 3 efstu sætin með forgjöf.
Verðlaunum er stillt í hóf þar sem megintilgangur með mótinu er að fá að leika á sumarflötum við frábærar aðstæður í mars.
Nándarverðlaun á 13. holu (par 3).
Þeir sem hefja leik að loknu hléi (eftir hádegi) hefja leik á 6 holu og eru bakkarnir leiknir tvisvar í lokin (fyrri leikur bakkanna telst til holu 1-5)
Hvetjum menn til að fjölmenna í mótið og taka sumarið snemma.“

Enn er hægt að skrá sig í mótið smellið HÉR:  

Drífið fram settin og styrkið Grindvíkinga í byggingu nýs skála!