GG: Ástríkur og Steinríkur sigruðu á Opna Veiðafæraþjónustu Texas Scramble mótinu

Í dag fór fram Opna Veiðafæraþjónustan – Texas Scramble mót á Húsatóftavelli. Það rigndi vel í Grindavík í dag og eftir hádegi fór heldur að hvessa. Um 60 kylfingar tóku þátt.

Liðsmenn Ástríks og Steinríks, Ingvar og Svanur Jónssynir úr GÞ, fóru með sigur af hólmi í mótinu. Þeir léku á 61 höggi nettó.

Liðsmenn Chelsea, Gunnar Þór Gunnarsson úr GR og Þorvaldur Freyr Friðriksson úr GK, léku einnig á 61 höggi en Ingvar og Svanur léku betur á seinni níu holunum. Illa liðið, skipað þeim Magnúsi Kára Jónssyni og Óttari Helga Einarssyni úr GKG urðu í þriðja sæti á 64 höggum.

Veitt voru nándarverðlaun á 7. og 18. braut. Á 7. braut var Óttar Helgi Einarsson næstu holur en hann var 0,94m frá holu í teighögginu. Á 18. braut var það Rögnvaldur Magnússon næstur holu eða 1,23m.

Verðlaunahafar eru beðnir um að senda heimilsföng sín á veffangið jjk@vf.is. Verðlaun verða send til verðlaunahafa í næstu viku.