GF: Aðalfundur 19. febrúar n.k.

Golfklúbburinn Flúðir boðar til aðalfundar föstudaginn 19. febrúar. Þetta kemur fram á klúbbasíðu GF. Aðalfundurinn hefst kl. 20:00 í golfskálanum í Efra Seli

Dagskrá fundarins er skv. 6 gr. laga GF:

1. Skýrsla stjórnar.
2. Endurskoðaðir reikningar lagðir fram til samþykktar.
3. Skýrslur nefnda.
4. Kosning fulltrúa og varafulltrúa í þau samtök sem klúbburinn er aðili að.
5. Lagabreytingar.
6. Kosningar samkvæmt 5. gr
7. Fjárhagsáætlun næsta árs afgreidd.
8. Önnur mál.

Tillögur um breytingar á lögum félagsins eða önnur mál sem taka á upp til
umræðu á aðalfundi og varða grundvallaratriði í rekstri félagsins, skulu berast stjórn félagsins a.m. k. 3 dögum fyrir boðaðan aðalfund og skal stjórnin birta tillögurnar á heimasíðu félagsins og eftir atvikum kynna þær sérstaklega með rafpósti eða á annan sambærilegan hátt.

Að loknum hefðbundnum aðalfundarstörfum verður slegið á léttari strengi og mun formaður vera í fararbroddi með ýmsar viðurkenningar og fleira. Sýndar verða myndir af öllum brautum vallarins. Tekið við hugmyndum um breytingar og úrbætur. Kosið verður um viðurkenningar fyrir verkefnið “Braut í fóstur”.

Kaffi-Sel verður með veitingasöluna opna þennan dag frá kl. 17.00 með sérstakt tilboð í tilefni fundarins. GF hvetur félaga sína til að nýta sér veitingaþjónustu Kaffi-Sels fyrir fundinn.

Komum saman og eigum skemmtilega stund í aðdraganda vormánaða.

Stjórn GF