Gary Player hannar Los Micos golfvöllinn í Honduras

Ein af golfgoðsögnunum þremur, Gary Player, heimsótti fyrir mánuði síðan (19. október 2011) Los Micos Beach & Golf Resort. Los Micos er nálægt Tela víkinni á norðurströnd Honduras. Gary Player sér um alla hönnum á golfvellinum í Los Micos, en þar er verið að byggja 5-stjörnu golfhótel, aðstöðu fyrir margslags vatnsíþróttir m.a siglingar og 18 holu keppnisgolfvöll.  Náttúran í Telavíkinni er mjög viðkvæm, en þar er ríkt dýralíf, mikið af suðrænum trjám og blómum og t.a.m. yfir 350 fuglategundir. Stjórn Honduras hefir að markmiði umhverfisvæna hönnun á Los Micos m.a þannig að tekið sé tillit til náttúrulegra einkenna landsins við alla hönnun.

Gary Player fyrir mánuði að kynna Los Micos golfvöllinn í Honduras.

Gary Player sagði um þetta 1. verkefni sitt í Honduras: „Los Micos er frábærlega staðsett og ég hlakka til að sjá framvinduna á byggingu golfvallarins.  Sandhæðirnar eru einstakur þáttur (landslagsins), sem tekið verður tillit til við byggingu vallarins og djúpblár litur karabíska hafsins er í fallegri andstöðu við sandhæðirnar og landið,” sagði Gary Player.  „Ég er ekki viss um að margir séu þess meðvitaðir hversu fallegt land Honduras er og þ.m.t. Los Micos.  Þetta verður einn af þeim stöðum sem fólk byrjar að tala um frá fyrstu mínútu og við erum ánægðir að vera hluti af þessu frábæra verkefni,” bætti Gary Player við.

Los Micos í Honduras - golfáfangastaður íslenskra kylfinga í framtíðinni?

Með því að smella hér má sjá kynningarmyndskeið fyrir Los Micos golfstaðinn: LOS MICOS GOLFSTAÐUR Í HONDURAS

Heimild: worldgolf.com