Gallacher á batavegi eftir hjartaáfall

Fyrrum fyrirliði liðs Evrópu í Ryder Cup (árin 1991, 1993, 1995), Bernhard Gallacher, er á góðri bataleið eftir hjartaáfall, sem hann hlaut fyrir meira en viku síðan.

Sjálfur spilaði hann í 8 Ryder Cup keppnum og vann 10 titla á Evrópumótaröðinni.  Fyrsta Ryder Cup mótið sitt spilaði hann 1969, sama ár og hann varð sá yngsti til þess að sigra í PGA Championship risamótinu, 20 ára, 97 daga ungur.

Í dag er Gallacher 64 ára og er að ná heilsu en á tímabili var tvísýnt um líf hans, en hann var fluttur á Aberdeen Royal Infirmary, þar sem hann hefri verið að braggast.

Dóttir Gallacher, sem er sjónvarpsþula í skosku sjónvarpi, Kirsty skrifaði á Twitter: „Þakka ykkur öllum fyrir stuðningin, hann hefir virkilega verið yfirþyrmandi. Pabbi er nú að ná sér. Við erum öll svo þakklát fyrir frábæran stuðning ykkar, hann hefir fleytt okkur í gegnum þetta.“