GA: Tumi Hrafn Kúld holukeppnismeistari Akureyrar

Holukeppni GA hefur staðið yfir í allt sumar og er þetta mjög skemmtileg keppni.

Tumi Hrafn Kúld spilaði til úrslita við Kristján Benedikt Sveinsson og hafði betur vann úrslitaleikinn 5/4

Í 3. sæti varð Anton Ingi Þorsteinsson, en hann átti að leika um það sæti við Þórhall Pálsson, en hann gaf leikinn. Þess má geta að Anton spilaði úrslitaleikinn í fyrra sumar við bróðir sinn og hafnaði þar í 2. sæti. Spurning hvort hann reynir ekki við 1. sætið að ári.

Á næsta ári munu reglur verða strangari hvað varðar tímasetningar á leikjum en það dróst ansi lengi að klára keppnina í ár.

Þess mætti geta að holukeppnismeistari Akureyrar er farinn af landi brott þar sem hann mun spila golf á Spáni næstu vikur.

Heimild: gagolf.is