GA: Stefanía Kristín og Örvar Akureyrarmeistarar í 5. sinn!!!

Síðasti dagur meistaramótsins var spilaður laugardaginn 13. júlí og mikil spenna ríkti í mörgum flokkum.

Eftir 3 góða daga rigndi loksins aðeins á keppendur þann 13., sem létu það þó ekki á sig fá og skiluðu margir inn sínum besta hring í mótinu.

Um kvöldið var svo haldin verðlaunaafhending og lokahóf, þar sem spjallað var og hlegið langt fram á kvöld. Það voru auðvitað Vídalín veitingar sem sáu um veisluna og að allt gengi sem best, en þétt var setið af flottum GA kylfingum og mökum þeirra.

Sigurvegarar í meistaraflokki voru þau Örvar Samúelsson og Stefanía Kristín Valgeirsdóttir, en þau voru bæði að sigra mótið í 5. skiptið! Frábær árangur!!!

Skemmtilegu móti lokið og var gaman að sjá góð skor og marga kylfinga taka þátt. Veðrið skemmdi ekki fyrir og völlurinn kominn í frábært stand, sem er alltaf gaman að sjá.

Í vikunni verður svo Golfgleði yngstu kylfinganna, og fylgjum við því eftir með stóru unglingamóti yfir helgina!

Akureyrarmeistarar 2019:

Meistaraflokkur karla: Örvar Samúelsson

Meistaraflokkur kvenna: Stefanía Kristín Valgeirsdóttir

1. flokkur karla: Konráð Vestmann Þorsteinsson

1. flokkur kvenna: Brynja Herborg Jónsdóttir

2. flokkur karla: Atli Þór Sigtryggsson

2. flokkur kvenna: Hrefna Svanlaugsdóttir

3. flokkur karla: Ólafur Helgi Rögnvaldsson

3. flokkur kvenna: Hrefna Magnúsdóttir

4. flokkur karla: Jón Ragnar Pétursson

5. flokkur karla: Daníel Skíði Reykjalín Ólafsson

50+ karla: Vigfús Ingi Hauksson

50+ kvenna: Unnur Elva Hallsdóttir

65+ karla: Heimir Jóhannsson

65+ kvenna: Sólveig Erlendsdóttir