GA: Fjármögnun á nýjum Trackman

Á heimasíðu Golfklúbbs Akureyrar (GA) má lesa eftirfarandi:

„Eins og flestir kylfingar í GA vita vonandi þá hefur stefnan verið sett á að kaupa nýjan Trackman í Golfhöllina okkar.

Trackmaninn sem fyrir er er mikið notaður í kennslu og því ekki mikið um lausa tíma til þess að leika sér í golfherminum. Í hinu rýminu okkar stendur svo Protee golfhermirinn alveg ónotaður.

Fyrir nokkrum vikum fórum við af stað með söfnun og hefur hún gengið alveg ágætlega en enn vantar nokkuð upp á, eða ca 1. milljón. Langar okkur því að hvetja þá kylfinga sem hafa verið að velta þessu fyrir sér að láta slag standa og við getum þá látið verða af því að fjárfesta í öðrum Trackman.

Það tilboð sem í boði er núna er einstakt og frábært tækifæri til þess að kaupa sér kort í fullkomnasta golfhermi landsins.

Kortin sem í boði eru þrennskonar og kosta 60.000 krónur og innihalda 34 klst í golfherminum sem útleggjast sem rétt tæplega 1800 krónur klukkustundin. Einnig er hægt að kaupa kort sem innihalda allt frá 20 klst upp í 60 klst. 20 klst kort kostar 40 þúsund krónur og 60 klst kort kostar 100 þúsund krónur. Innifalið í þessu verði er svo golfkennsla í Trackman eins og sjá má á auglýsingunni. Þetta er kjörið tækifæri fyrir einstaklinga jafnt sem hópa. T.d. er kjörið fyrir fjóra aðila að kaupa sér kort fyrir 100 þús.

Hægt er að skipta greiðslum á kreditkort.

Ef þið hafið áhuga á vinsamlegast hafið samband við Ágúst í síma 857 7009.“

Vonandi að nýr Trackman komi sem fyrst í Golfhöllina á Akureyri!!!