Ragnheiður Jónsdóttir | júní. 26. 2013 | 11:00

GA: Arctic Open hefst á morgun

Á morgun, fimmtudaginn 27. júní 2013 hefst hið sögufræga Arctic Open mót að Jaðri, en mótið er nú haldið í 27. sinn.

Um er að ræða golfmót þar sem keppt er í opnum flokki í höggleik án forgjafar og punktakeppni með forgjöf og jafnframt eru sérstakir öldunga- og kvennaflokkar.

Það sem gerir mótið svo einstakt, eins og raun ber vitni, er að það er leikið á kvöldin og fram á nótt í miðnætursól. Skráning í mótið í ár er góð og margir erlendir keppendur búnir að bóka sig.

Í fyrradag var ótrúlega flott miðnætursól á Akureyri, veðurspáin er góð og því má reikna með frábæru móti.

Fyrir þá sem ekki eru búnir að skrá sig þá er ennþá laust, en fyrstur kemur fyrstur fær.

Það má skrá sig í Arctic Open með því að SMELLA HÉR: