GA: Anton Ingi, Jónasína og Stefán Einar sigruðu í 2. púttmóti Unglingaráðs

Í gær, sunnudaginn 28. janúar 2013 fór fram 2. púttmót Unglingaráðs GA.

Í unglingaflokki sigraði Stefán Einar Sigmundsson hann var með 29 pútt, Lárus Ingi Antonsson var í 2. sæti með 31 pútt og í 3. sæti var Víðir Steinar Tómasson með 32 pútt.

Í karlaflokki var það Anton Ingi Þorsteinsson sem sigraði með 29 pútt. Nokkrir voru jafnir með 31 pútt, þegar talið hafði verið til baka þá var það Þorvaldur Jónsson sem endaði í 2. sæti og Sigþór Haraldsson í 3. sæti.

Í kvennaflokki sigraði Jónasína Arnbjörnsdóttir hún var með 30 pútt, Anna Einarsdóttir var í 2. sæti með 31 pútt og Halla Sif Svavarsdóttir í 3.sæti með 32 pútt.

Norðlenska gaf verðlaun í þetta mót og þakkar Unglingaráð þeim ásamt þátttakendum fyrir stuðninginn.

Þriðja mótið verður haldið sunnudaginn 10. febrúar 2013.