Fyrrum kæresta Martin Kaymer giftist hokkístjörnu

Fyrrum Dallas Stars miðjumaðurinn Mike Modano er í karabíska hafinu á hveitibrauðsdögum sínum, nánar tiltekið St. Bart´s eyjunni, eftir að hafa kvænst fyrrum kærestu þýska kylfingsins Martin Kaymer, Allison Micheletti.

Mike Modano og Allison Micheletti

Mike Modano er 43 ára en Micheletti 24 ára. Þau giftust s.l. sunnudag í Hotel Joule í Dallas, Texas.

Þetta er í 2. skiptið sem hinn geysivinsæli Modano kvænist, en nýlega lauk hjúskap hans til 5 ára við leikkonuna/módelið Willu Ford.  Micheletti er dóttir fyrrum NHL leikmannsins Joe Micheletti sem nú er fréttamaður hjá fréttastöð New York Rangers.

Allison og Mike

Modano er sá bandaríski leikmaður í sögu NHL sem skorað hefur flest mörk eða alls 561 og 1374 punkta. Hann spilaði 20 keppnistímabil með Stars í Minnesota og Dallas áður en hann hætti eftir 1 keppnistímabil með Detroit Red Wings.

Leiðinlegt að Kaymer og Micheletti skyldu ekki hafa náð saman en þau þóttu einstaklega fallegt par – Allison er þar að auki atvinnumaður í golfi, líkt og Kaymer, en Modano er sagður spila golf sér til skemmtunar.

Martin Kaymer kylfuberi fyrir kærestuna Allison Micheletti í Q-school LPGA, í desember 2010.