Fyrrum kærasta Tiger – Erica Herman – höfðar mál g. Tiger

Fyrir þá sem ekki vissu það þá er Tiger hættur með kærustu sinni til 6 ára: Ericu Herman. Þau hafa verið par frá árinu 2017. Í fyrstu var litið á hana sem „gullgrafara“ en hún vann sem rekstrarstjóri í einum veitingastaða Tiger. Með tímanum var hins vegar tekið eftir hversu miklum breytingum til hins betra Erica hefði tekið, sem og að henni virtist koma vel saman við börn Tigers, Sam og Charlie.

Erica er fædd 15. febrúar 1984 og því 39 ára. Þau eiga engin börn saman en Tiger á fyrrgreind 2 börn frá hjúskap sínum með hinni sænsku Elínu Nordegren.

Sagt er að Tiger hafi hætt með Ericu í október sl. þegar töskur hennar voru pakkaðar undir því yfirskini að hún væri að fara í smáfrí og henni neitað um að koma aftur á heimili Tiger og barna hans tveggja í Júpiter, í Flórída.

Erica hefir nú farið í mál við Tiger.

Sjá má myndskeið þar sem farið er lið fyrir lið yfir helstu þætti í kæru Ericu með því að SMELLA HÉR: 

Eitt af þrætuefnunum er að Erica vill að mál sitt sé útkljáð fyrir almennum dómstól en ekki fyrir gerðardóm (ens. arbitration). Í gerðardómum er yfirleitt leyst úr deilumálum án þess að almenningur fái aðgang að málsatvikum og niðurstöðu gerðardómsins.

Eins fer Erica fram á að NDA-samkomulag sem hún gerði við Tiger verði ógilt. (NDA = Non Disclosure Agreement).

Í NDA er yfirleitt kveðið á um að aðilar megi ekki segja frá samskiptum sínum við hvort annað opinberlega, m.a. ekki vera með myndbirtingar.

Nokkra athygli vekur að eini grundvöllurinn til þess að fá NDA ógilt er ef um kynferðislegt yfirgrip er að ræða eða kynferðisbrot hefir átt sér stað .

Þannig að spurningin er hvað Erica telji sig hafa í höndunum gegn golfgoðsögninni Tiger til að fá NDA þeirra ógilt?