Fyrirhugað er að gera breytingar á Old Course

Fyrirhugað er að betrumbæta einn þekktasta golfvöll heims; sjálfan Old Course,  „vöggu golfsins“ – á St. Andrews, Skotlandi, annan uppáhaldsgolfvalla íslenskra kylfinga erlendis, skv. nýlegri könnun Golf 1.

Breytingarnar á að gera til þess að gera völlinn meira krefjandi fyrir bestu kylfinga heims, sem snúa aftur til „heimilis golfsins“ á Opna breska risamótið, sem fyrirhugað er að halda að nýju á St. Andrews árið 2015.

Hinn virti golfvallararkítekt Martin Hawtree hefir verið ráðinn af St. Andrews Links Trust, sem sér um allar framkvæmdir á Old Course og 6 öðrum völlum á „heimili golfsins“ og The R&A Championship Committee, sem sér um framkvæmdarhlið á þessu elsta móti golfsins (Opna breska), til þess að leggja mat á breytingarnar sem myndu gera völlinn meira krefjandi fyrir heimsklassa kylfinganna án þess að höfð séu of mikil áhrif á klúbbinn og kylfinga sem sækja hann heim og eins án þess að hróflað sé við hinum sérstaka karakter Old Course.

Mat  Martin Hawtree’s hefir nú verið samþykkt af the St Andrews Links Trustees and Links Management Committee og The R&A Championship Committee.

Breytingarnar eiga að eiga sér stað í tveimur áföngum og hefst fyrri áfanginn nú í vetur en sá síðari næsta vetur. Á fyrsta áfanga munu verða gerðar breytingar á 2., 7., 11. og 17. holunum.  Meðal þess sem gera í 1. áfanganum er að víkka Road Bunker við 17. holu um 1/2 meter til hægri og síðan endurhanna lítinn hluta af fremri parti flatarinnar til þess fleiri aðhögg lendi þar… og væntanlega þ.a.l. í Road Bunker!

Annar áfanginn fer fram veturinn 2013/14  og hefjast þá framkvæmdir á 3., 4., 6., 9. og 15. holunum.  Meðal framkvæmda þá er að búa til nýjar sandglompur við 3. og 9. holu.

Þess mætti geta að ekki hefir verið hróflað við hinum heilaga Old Course á St. Andrews frá árinu 1949 ef marka má bók Scott Macpherson „The Evolution Of The Old Course.“