Fylgist með Valdísi Þóru í Marokkó

Valdís Þóra Jónsdóttir , GL, hóf fyrir um einni klukkustund leik á rauða golfvelli Royal Golf Dar Es Salam í Rabat, í Marokkó, en hún tekur þátt í Lalla Aicha úrtökumótinu til þess að komast inn á Evrópumótaröð kvenna.  Valdís Þóra átti rástíma kl. 10:00 að staðartíma.

Þeim, sem komast vilja inn á lokaúrtökumótið, sem fram fer 14.-18. desember n.k. þar sem efstu keppendur hljóta kortið sitt á Evrópumótaröð kvenna, er skipti í tvo hópa. Valdís Þóra leikur ásamt 51 öðrum kvenkylfingi á rauða vellinum, en álíka stór hópur keppir á bláa vellinum í dag.

Hóparnir skiptast síðan á um að spila vellina.

Valdísi Þóru til halds og trausts er Tinna Jóhannsdóttir, GK, sem er öllum hnútum kunnug, en hún tók þátt í sama úrtökumóti í Marokkó fyrir ári síðan.

Til þess að fylgjast með gengi Valdísar Þóru SMELLIÐ HÉR: