Frægir kylfingar: Sidney Poitier

Sidney Poitier fæddist í Miami, Flórída, 20. febrúar 1927 og er því 85 ára. Hann ólst hins vegar upp á Cat Island í karabíska hafinu. Poitier er frægastur fyrir að vera fyrsti blökkumaðurinn til þess að hljóta Óskarsverðlaun, en þau hlaut hann árið 1963.  Sagt var að hann hafi alltaf verið með golfkylfu á tökustað og var sífellt að æfa gripið og sveifluna á milli tökuatriða.

Meðal best þekktu hlutverka hans eru „The Defiant Ones“ frá árinu 1958, en fyrir hlutverk sitt í þeirri kvikmynd varð hann fyrstur blökkumanna til að hljóta tilnefningu til Óskarsverðlaunanna. Það var hins vegar fyrir hlutverk sitt í „Lillies of the Field“ sem hann hlaut verðlaunin eftirsóttu.

Sidney er félagi í Hillcrest (Kaliforníu) og á árunum í kringum 1950 spilaði hann golf frá morgni til kvölds. Eitthvað hefir dregið úr þessum mikla ákafa í golfleik nú, en hann grípur þó enn af og til í kylfuna.  Meðan hann var á gullaldarárum sínum var haft eftir Poitier:

„Mér líkar við vinnuna, ég elska fjölskyldu mína, ég drekk með vinunum, ég fer í kirkju og spila mikið golf. Hvað er annað að gera? Ég meina: hvað annað?

Sidney Poitier er tvíkvæntur. Hann kvæntist fyrst Juanitu Hardy og voru þau gift 29. apríl 1950 – 1965. Hann hefir verið kvæntur  Joönnu Shimkus, kanadísk-litúanskri-írskri leikkonu frá 23. janúar 1976. Hann átti 4 dætur með fyrri konu sinni og 2 dætur með seinni konu sinni:  Beverly, Pamelu, Sherri, Ginu, Aniku, Sydney og Tamiiu.