Frægir kylfingar: Edward Windsor – prinsinn sem afsalaði sér bresku krúnunni fyrir ástina

Edward Windsor, Bretaprins, sem afsalaði sér breska konungsdæminu vegna ástar sinnar á Wallis Simpson var forfallinn kylfingur. Meðan hann lifði og eftir að hafa afsalað sér bresku krúnunni bar hann tignartitilinn Duke of Windsor.

Hinn konungsborni Edward Windsor var forfallinn ekki bara Wallis Simpson heldur líka forfallinn kylfingur!

Edward prins og Duke of Windsor byrjaði að spila golf 13 ára. Hann var fljótt kominn niður í 1 stafs forgjöf og gegndi formannsstöðu í mörgum golfklúbbum í Bretlandi þ.á.m. R&A 1922 (eins og afi hans Eðvarð konungur VII. hafði áður gegnt og bróðir hans George VI, sem varð konungur gerði).

Eftir allan skandalinn kringum afsal krúnunnar hellti Edward sér í golf m.a. á Bahama eyjum, þar sem hann og Wallis bjuggu um skeið, meðan hann gegndi stöðu ríkisstjóra þar.

Wallis Simpson, konan sem var elskuð svo mikið að heilu konungsríki var fórnað fyrir hana - eða var það bara ást Edwards á golfleiknum sem leiddi til afsalsins?

Til þess að skoða myndskeið af Edward Windsor að spila golf smellið HÉR: