Forsetabikarinn 2022: Davis Love III útnefnir Simpson og Stricker sem varafyrirliða

Davis Love III hefir útnefnt Webb Simpson og Steve Striker, sem varafyrirliða sína í Forsetabikarnum 2022.

Tilkynnti hann um útnefningu sína sl. þriðjudag 2. ágúst 2022

Aðrir varafyrirliðar Love III eru þeir Fred Couples og Zach Johnson.

Forsetabikarinn fer fram 19.-25. september n.k. í Quail Hollow Club í Charlotte, Norður-Karólínu.

Forsetabikarinn er svipaður Ryder Cup, nema keppnislið eru önnur: annars vegar er lið Bandaríkjanna og síðan lið allra annara í heiminum nema Evrópu.

Stricker er frábær í liðaíþróttum; hann var fyrirliði sigurliðs Bandaríkjanna í Rydernum fyrir 2 árum og hefir auk þess 5 sinnum (1996-2013) spilað í Forsetabikarnum fyrir lið Bandaríkjanna og er með 14-0-0 árangur í þeim viðureignum.

Simpson þykir styrkja bandaríska liðið m.a. vegna þess að hann þekkir Quail Hollow út og inn og er m.a. félagi í Quail Hollow golfklúbbnum. Þetta er 1. varafyrirliðastaða hins 36 ára Simpson.

Í aðalmyndaglugga: Davis Love III, fyrirliði liðs Bandaríkjanna í Forsetabikarnum 2022.