Flottur Ferrari Inbee Park

Nr. 1 á Rolex heimslista kvenna, Inbee Park, lifir hátt.

Hún tvítaði nú nýlega mynd af sér brosandi með nýja bílnum sínum, rauðum Ferrari FF, en verðið á bílnum fer ekki undir 36 milljónir íslenskra króna (þ.e. $ 300.000)

Eftir aðeins nokkrar vikur keppir Inbee á Women´s British Open og getur þá orðið fyrsti kylfingurinn hvort heldur karl- eða kven til þess að sigra í 4 risamótum sama árið.

Hún virðist ekki hafa áhyggjur af neinu sbr. myndina af henni brosandi með bílnum. En hún hefir líka ástæðu til að brosa.  Á síðasta ári keppti hún í 15 mótum og vann 6 sinnum (þ.á.m. í 3 risamótum) og varð 8 sinnum meðal efstu 10 í mótum. Hún er því nr. 1 á peningalista LPGA og á meira en $ 1 milljón á þá næstu á listanum, sem er Stacy Lewis.

Frá því Inbee gerðist atvinnumaður 2007, á tímabili þar sem hún m.a. vann ekki mót í 4 ár, hefir Inbee unnið sér inn um $7,5 milljónir.

En Inbee er ekki sú eina sem er hrifin af Ferrari bílum. Vel er kunnugt um ástríðu Sergio Garcia fyrir Ferrari bílum og eins á Ian Poulter tvo slíka  SJÁ HÉR: