Fjórir góðir golfstaðir í Evrópu (3/4)

Nú er mitt sumar og eflaust margir, sem búnir eru að skipuleggja golfferðir erlendis, síðsumars eða í haust. Ferðaskrifstofur bjóða upp á fjölmargar og fjölbreytilegar ferðir, en þó eru alltaf einhverjir sem kjósa að skipuleggja sitt eigið frí, kaupa sér flugmiða, leigja sér bíl og prófa velli sem landinn er ekki að fjölmenna á.  Fyrir þá sem eru í slíkum hugleiðingum verður hér greint frá nokkrum  góðum hugmyndum næstu daga, sem Golf1 getur hæglega mælt með við kylfinga að prófa:

FRAKKLAND

Terre Blanche

Heimilisfang: 3100 Route de Bagnols EN Foret 83440 Tourrettes

Lýsing: Golfstaðurinn er fyrrum Four Season’s staður. Terre Blanche er með tvo 18 holu golfvelli.  Af báðum völlum er gríðarlega fallegt útsýni yfir bæinn, sem staðsettur er á toppi hæðar.

Frá Spa-inu í Terre Blanche

Fyrri golfvöllurinn (Le Chateau ) er talinn einn af bestu golfvöllum á meginlandi Evrópu.  Vatn kemur mikið við sögu og á vellinum er mikið af drifhvítum sandglompum, gjám og eldingshröðum flötum. Þetta er völlur sem óhætt er að segja að sé betri fyrir aðeins lengra komna og þá sem eru mikið fyrir krefjandi velli.

Hinn völlurinn ( Le Riou)  er ekki eins framúrskarandi og sá fyrri, en engu að síður með gullfallegt útsýni á umhverfið og er tæknilega krefjandi jafnvel fyrir lágforgjafarkylfinga.  Le Riou er skemmtilegur völlur, sem heldur manni vakandi allan hringinn.

Einkennisholan: Líkt og margir góðir golfstaðir þá er beðið með það besta þar til í lokin; einkennisholan er 18. holan á kastalavellinum (Le Chateau).

Til þess að lesa sig meira til um Terre BlancheSMELLIÐ HÉR: