Fannar Ingi Steingrímsson, GHG. Mynd: Steingrímur Ingason
Ragnheiður Jónsdóttir | júlí. 19. 2013 | 09:30

Fannar Ingi lauk keppni í 26. sæti

Fannar Ingi Steingrímsson, GHG, tók þátt í Callaway Junior World Golf Championship, sem fram fór í Morgan Run Resort and Club, í Kalíforníu, dagana 15.-19. júlí 2013.  Aðeins elstu krakkarnir leika 4 hringi, en Fannar Ingi sem keppti í flokki 13-14 ára stráka,  lék  3 hringi.

annar Ingi Steingrímsson ásamt ráshóp sínum. Fannar er 2. f.v.  Mynd: Steingrímur Ingason

annar Ingi Steingrímsson ásamt ráshóp sínum. Fannar er 2. f.v. Mynd: Steingrímur Ingason

Keppnisvöllurinn var 6.450 yarda (5898 metra) og spilaðist aðeins lengri í mótvindi sem var og þóttu Fannari Inga m.a. par-4 brautirnar heldur langar í vindinum.

Í gær, 3. mótsdag,  lokahringinn lék Fannar Ingi á 1 yfir  pari, 72 höggum og lék því samtals á 4 yfir pari, 217 höggum (74 71 72).

Glæsilegur árangur þetta hjá Fannari Inga en hann lauk keppni í 26. sæti af 170 keppendum!!!

Í ár voru þátttakendur í Callaway Junior World Golf Championship 1250 frá 40 ríkjum Bandaríkjanna og 56 löndum alls staðar að úr heiminum.   Mótið er gríðarlega sterkt og tóku menn á borð við Tiger og Ernie Els þátt í því á yngri árum og stóðu uppi sem sigurvegarar!

Til þess að sjá úrslitin eftir lokahringinn hjá Fannari Inga SMELLIÐ HÉR: