Fannar Ingi í 21. sæti á US Kids Golf – European Championship eftir 1. dag í Skotlandi

Í  East Lothian í Skotlandi fer dagana 5.-7. júní fram mót í US Kids Golf þ.e. European Championship á Gullane nr. 2 vellinum.  Þátttakendur eru 46 unglingar víðs vegar að úr heiminum.

Meðal þátttakenda er Fannar Ingi Steingrímsson, GHG, sem er að gera góða hluti.  Í gær spilaði Fannar Ingi á 77 höggum og er sem stendur í 21. sæti ásamt 5 öðrum kylfingum.  Þess mætti geta að Fannar Ingi spilar á Unglingamótaröð Arion banka og er búinn að vera meðal efstu á þeim 2 mótum, sem af eru árs; Fannar Ingi varð í 2. sæti upp á Skaga og í 4. sæti að Hellishólum fyrir aðeins 3 dögum síðan.

Fannar Ingi á 1. móti Unglingamótaraðar Arion banka upp á Skaga þar sem hann varð í 2. sæti. Mynd: Golf 1

Sá sem er efstur, Carlos Marrera, frá Venezuela spilaði á 68 höggum í gær og er í svolitlum sérflokki því 3 högg skilja hann og þá 2 sem deila 2. sætinu að.  Því má segja að Fannar Ingi þurfi a.m.k. að vinna upp 6 högg til að vera meðal þeirra efstu.

Golf 1 var nýlega með viðtal við Fannar Inga, sem sjá má með því að SMELLA HÉR: 

Golf 1 óskar Fannari Inga góðs gengis í dag!

Til þess að sjá stöðuna á US Kids Golf – European Championship eftir 1. dag smellið HÉR: