Evróputúrinn: Westy efstur á Made in Denmark

Aðstoðarfyrirliði liðs Evrópu í Ryder bikarnum, Lee Westwood er í efsta sæti á móti vikunnar á Evróputúrnum fyrir lokahringinn, sem spilaður verður á morgun, sunnudaginn 2. september 2018.

Westy er samtals búinn að spila á 16 undir pari, 200 höggum (68 65 67).

Af þeim þremur sem gera sér vonir um Ryder Cup sæti í liði Evrópu er Matthew Fitzpatrick búinn að standa sig best; hefir spilað á samtals 10 undir pari og deilir 13. sæti fyrir lokahringinn; Thorbjörn Olesen sem spáð var velgengni á heimavelli er á samtals 7 undir pari og í 30. sæti og Eddie Pepperell hefir staðið sig síst þremenninganna, er á samtals 3 undir pari og í 61. sæti.

Birgir Leifur „okkar“ Hafþórsson tók þátt í mótinu en dró sig úr því vegna „taks í hálsinum“ en hann sagðist ætla að taka sér viku frí til að hvíla sig.

Til þess að sjá stöðuna á Made in Denmark SMELLIÐ HÉR: 

Til þess að sjá hápunkta 3. dags á Made in Denmark SMELLIÐ HÉR: