Evróputúrinn: Thongchai Jaidee efstur í Durban eftir 1. dag Volvo Golf Champions

Það er thaílenski kylfingurinn Thongchai Jaidee, sem er í efsta sæti eftir 1. dag Volvo Golf Champions, sem hófst í dag í Durban í Suður-Afríku. Í mótinu taka aðeins þátt sigurvegarar á Evrópumótaröðinni á síðasta ári og þeir sem unnið hafa 10 eða fleiri mót á mótaröðinni.

Mótið stendur dagana 10.-13. janúar 2013.

Jaidee, kom í hús á 7 undir pari, 65 höggum – fékk 8 fugla, 9 pör og 1 skolla í dag.

„Mér finnst þetta skemmtilegur völlur,“ sagði Jaidee eftir hringinn í dag. „Maður verður að hugsa mikið – ég sló aðeins 2 sinnum með drævernum og setti 3-járnið í pokann aðeins 15 mínútum áður en ég tíaði upp.“

Í 2. sæti, 3 höggum á eftir Jaidee eru „heimamennirnir“ Ernie Els og Louis Oosthuizen, báðir á 4 undir pari, 68 höggum.

Sjö kylfingar deila síðan 4. sætinu á 3 undir pari: Jeev Milkha Singh, Danny Willett, Richie Ramsay, Jamie Donaldson, Paul Lawrie, Scott Jamieson og Thomas Björn.

Til þess að sjá stöðuna eftir 1. dag Volvo Golf Champions SMELLIÐ HÉR: