Evróputúrinn: Sterne kallaði Gallacher „grísara“ og grínaðist í honum allan lokahring Omega Dubai Desert Classic

Skotinn Stephen Gallacher hefir verið að vinna hörðum höndum í að breyta leikjadagskrá sinni eftir frábæran sigur á Omega Dubai Desert Classic s.l. helgi.

Aðal samkepnnisaðili hans í Dubai og vinur á Evróputúrnum Richard Sterne kallaði Gallacher „grísara“ (ens.: jammy bastard) eftir að Gallacher setti niður 115 yarda (105 metra) fleygjárnshögg úr karganum á 16. braut Emirates golfklúbbsins í Dubai, fyrir erni, sem eiginlega innsiglaði sigur hans.

Sterne og Gallacher eru mestu máta. Hér takast þeir í hendur eftir lokahringinn á Omega Dubai Desert Classic.

Gallacher hafði ætlað sér að ferðast til Suður-Afríku til að taka þátt í Joburg Open, sem er mót vikunnar á Evrópumótaröðinni og Sterne var búinn að bjóða Gallacher að gista í glæsivillu sinni í Pretoríu.

Sterne grínaðist við Gallacher allan lokahringinn og í hvert sinn sem Gallacher náði fugli eða bjargaði pari  sagði Sterne að nú myndi hann rukka Gallacher $1000 aukalega fyrir gistinguna fyrir hvern fugl/par.

Gallacher þarf ekkert að hafa áhyggjur af því að borga – en ekki af því að hann sé nískur Skoti! Ástæðan er einföld hann er ekki með í Joburg Open… ekki út af gríninu í Sterne …. þeir eru bestu vinir.

Nei, ástæðan er sú að hann tekur nú þátt í  $US 8.75milljóna WGC – Accenture Match-Play Championship mótinu í Arizona, sem hefst 20. febrúar n.k. og er að undirbúa sig fyrir það mót.  Nái hann góðum árangri þar gæti hann lækkað sig á heimslistanum, en hann er nú í 60. sæti og verður að koma sér í 50. sætið til að öðlast þátttökurétt í the Masters risamótinu.