Ragnheiður Jónsdóttir | janúar. 17. 2018 | 07:00

Evróputúrinn: Stenson á kameldýri

Henrik Stenson tekur líkt og aðrar golfstjörnur þátt í ýmsum uppákomum í aðdraganda Abu Dhabi HSBC Championship til þess að auglýsa mótið. Mótið hefst á morgun, 18. janúar 2018.

Stenson lætur sér fátt fyrir brjósti brenna.

Þetta er náunginn sem var í uppnámi yfir að stolið skyldi hafa verið úr húsi hans, ekki vegna þess hvers var tekið, heldur að hann skyldi ekki hafa verið á staðnum til þess „að taka á móti“ þjófnum.

Í blóma skreyttu Augusta National rúllaði hann niður Magnolia Lane með „Ice Ice Baby“ í eyrunum.

En einna eftirminnilegastur var töffarinn (Stenson) þegar hann hafði betur í einvígi gegn Phil Mickelson á Opna breska 2016, þar sem Stenson átti frábæran endahring upp á 63 högg og vann fyrsta risamót sitt.

Það er ástæða fyrir því að Stenson með sínar stáltaugar er kallaður „Ísmaðurinn.“

Nýjasta uppátæki kappans er að sitja á kameldýri í kynningarskyni fyrir Abu Dhabi mótið!

Sjá má kappann á kameldýrinu með því að SMELLA HÉR: