Evróputúrinn: Shane Lowry átti högg októbermánaðar

Högg írska kylfingsins Shane Lowry á 11. braut á 4. degi Portugal Masters 2012 hefir verið valið högg októbermánaðar á Evróputúrnum.

Nánar tiltekið er það aðhögg Lowry á 11. braut Oceânico Victoria golfvallarins í Vilamoura,Portúgal, sem hlýtur nafnbótina.

Þó að nokkuð hvasst hafi verið þá setti Shane í fyrir erni. Við höggið góða notaði hann 7-járn.

Eftir mótið sagði Lowry m.a.: „Það er alltaf 1 högg sem maður lítur til baka til þegar maður sigrar í móti og þetta var svo sannarlega höggið. Þetta  var í raun mjög erfitt högg – ég átti eftir 138 yarda (126 metra) það var vindur, þannig að ég hefði verið ánægður ef boltinn hefði lent einhvers staðar á flöt, ef ég á að vera hreinskilinn.  En ég náði fallegu, litlu höggi með sjöunni ogboltinn stefndi beint á flaggið og á holuna allan tímann. Ég hélt að boltinn myndi vera nálægt holunni, vissi ekki að hann hefði dottið ofan í fyrr en ég heyrði í hrópunum í áhorfendunum. Þetta var sérstök stund og mjög sérstakur dagur.“

Högg Lowry hlaut 35% atkvæða í opnu kjöri á vefsíðu Evrópumótaraðarinnar, en högg Emiliano Grillo varð í 2. sæti, með 29% atkvæða.

Aðrir sem átt hafa högg mánaðarins á Evrópumótaröðinni auk Lowry eru: Sergio Garcia (janúar), Martin Kaymer (febrúar), Paul Casey (mars), Louis Oosthuizen (apríl), Luke Donald (maí), Pádraig Harrington (júní), Ian Poulter (júlí); Richie Ramsay (ágúst) og Justin Rose (september).

Hér má svo loks sjá frábært högg Shawn Lowry  – SMELLIÐ HÉR: