Evróputúrinn: Rory nr. 1 í Evrópu 4. skiptið í röð

Þegar Nr. 1 á heimslistanum (Rory McIlroy) kom til Jumeirah Golf Estates fyrir lokamót Evrópumótaraðarinnar í Dubai og var hann með mjótt forskot á Ryan Fox á DP stigatöflunni.

En þegar inn í síðasta hringinn á sunnudaginn var komið, var næsti keppinautur McIlroy á stigalistanum sigurvegari Opna bandaríska Matt Fitzpatrick – sem einnig hefir sigrað  tvívegis áEarth Course.

Lokahringur upp á fjóra undir pari, 68 högg samhliða því að  Fitzpatrick varð T-5 á lokamótinu en Rory í 4. sæti, tryggði Rory fyrsta sætið á stigalistanum.

Félagi Rory í Ryder Cup, Jon Rahm, varð að sama skapi fyrsti kylfingurinn til að vinna DP World Tour Championship í sögulegt þriðja sinn, þar sem hann endaði tveimur höggum á undan Tyrrell Hatton og Alex Noren , sem deildu öðru sæti.

McIlroy endaði fyrst í efsta sæti stigalistans tímabilið 2012 og vann síðan Harry Vardon bikara 2014 og 2015.

Hinn 33 ára gamli Rory, sem hafði leitt stigakeppnina frá því hann varð í öðru sæti á 150. Open á St Andrews í júlí, vann einnig FedEx bikarinn á PGA TOUR í þriðja sinn í ágúst.

Aðeins áttfaldi sigurvegarinn Colin Montgomerie og sexfaldi sigurvegarinn Seve Ballesteros standa framar Rory hvað varðar fjölda Harry Vardon titla.

Á 2022 DP World Tour mótaröðinni var versti árangur McIlroy á 10 mótum T-12,  í byrjun tímabilsins á Abu Dhabi HSBC Championship í janúar.

Fjórða sætið hans í Dubai á lokamótiunu var áttundi topp-5 árangur hans og sá 6. í röð. Ótrúlega flott hjá Rory.

Sjá má lokastöðuna á lokamótinu í Dubai (DP World Tour Championship) með því að SMELLA HÉR: