Evróputúrinn: Rory kveður árið 2012 með stæl – með sigri í Dubai!!! – Justin Rose setti nýtt 62 högga vallarmet á Earth Course

Það var Rory McIlroy sem bar sigur úr býtum í Dubai World Tour Championship.

Hann spilaði hringina fjóra á samtals 23  undir pari og spilaði á samtals 265 höggum (66 67 66 66).

Rory átti 2 högg á Englendinginn Justin Rose, sem varð í 2. sæti á 21 höggi undir pari samtals, þ.e. 267 höggum (68 68 69 62).

Rose setti jafnframt glæsilegt nýtt vallarmet á Earth Course, en undanfarna daga höfðu Indverjinn Jeev Milkha Singh og Sergio Garcia jafnað gamla vallarmetið upp á 64 högg, sem þeir deildu með 5 öðrum.

Justin Rose spilaði lokahringinn á Dubai World Tour Championship á 62 glæsihöggum; fékk örn á par-5 14. brautina, 8 fugla og 9 pör – Glæsilegra gerist það varla!!!

Þriðja sætinu deildu Charl Schwartzel frá Suður-Afríku og Luke Donald; voru á samtals 18 undir pari, 270 höggum; Schwartzel (68 67 67 68) og Donald (65 68 66 71).  Það má segja að „slakur“ lokahringur Donald upp á 71 högg hafi gert út um sigurvonir hans, en hann var búinn að vera í forystu ásamt Rory mestallt mótið.

Í 5. sæti varð síðan Louis Oosthuizen og í 6. sæti nýliði ársins á Evrópumótaröðinni Branden Grace, en þeir eru báðir frá Suður-Afríku.

Til þess að sjá úrslitin  í heild á Dubai World Tour Championship SMELLIÐ HÉR: