Evróputúrinn: Ricardo Santos frá Portúgal sigraði á Madeira Islands Open

Það er Portúgalinn Ricardo Santos sem stóð uppi sem sigurvegari á Madeira Islands Open. Þvílíkur lokahringur!!! Santos spilaði á 63 höggum í dag – skilaði hreinu skorkorti, þar sem á voru 9 fuglar!  …. og fyrsti titillinn á Evrópumótaröðinni í höfn!

Ricardo Santos er fyrsti portúgalski kylfingur til þess að sigra mót á Evrópumótaröðini á heimavelli.  Eftir sigurinn sagði hann m.a.: „Þetta er mjög tilfinningaþrungið fyrir mig og ég á ekki til orð til þess að lýsa hvernig mér líður.  Að vinna fyrsta titilinn minn á Evrópumótaröðinni í eigin heimalandi er mjög sérstakt.  Púttið á 17. var ótrúlegt og ég vissi þá að ég væri búinn að sigra.  Þetta var einstakur hringur og örugglega sá besti á ferli mínum.  Það var frábært að hafa áhorfendur til þess að styðja mig. Það er erfitt að ímynda sér betri sigur en þennan. Ég átti ekki mörg slæm augnablik á hringnum en þegar þau komu voru áhorfendur alltaf þarna til þess að rífa mig upp og halda mér við efnið. Þetta er risastund á ferlinum.  Ég spilaði bara stöðugt allan hringinn.  Ég hélt áfram að hitta brautir og flatir á tilskildum höggafjölda og setja niður púttin og sem betur fer voru púttin ótrúleg í dag.“

Ricardo Santos er 29 ára, á afmæli 7. september á þessu ári. Hann er kvæntur Ritu sinni og þau eiga litla dóttur, Victoríu (f. 2009).

Til þess að sjá úrslitin á Madeira Islands Open smellið HÉR: