Evróputúrinn: Poulter þrælpirraður yfir að tapa niður forystunni í Tyrklandi

Ian Poulter var þrælpirraður yfir “óafsakanlegum” mistökum sínum en hann missti niður epískt 6 högga forystu sem hann var með í mótinu í hálfleik.

Á 3. hring hins vegar fékk Poulter 3 skolla og 1 tvöfaldan skolla og lauk keppni á 3. mótsdegi á 75 hræðilegum höggum.

Með þetta skor rann hann niður skortöfluna þ.e. deilir nú 2. sætinu með þeim Lee Westwood og þýska kylfingnum Marcel Siem.

Poulter var ekkert að reyna að draga úr þeim mistökum sem hann gerði á 3. hring í viðtali við hann eftir hringinn:

„Þetta varð til þess að nú eru margir kylfingar í sigurstöðu.  Þeim á eftir að smakkast maturinn vel í kvöld; minn verður vondur.“

„Ég er reiðastur yfir fleygjárnshögginu sem varð til þess að ég fékk tvöfalda skollann,“ sagði nr. 40 á heimslistanum.  „Það er óafsakanlegt fyrir mig að gera þessi mistök þarna.  Einfalt fleygjárnshögg kemur mér 20 fet frá hugsanlegu fuglapútti í versta falli og ég slæ í tré þannig að ég á eftir að vera reiður sjálfum mér í nokkurn tíma í kvöld og síðan verð ég fínn á morgun (þ.e. á lokahringnum í dag.“

„Ég verð að vinna vinnuna mína á morgun.  Í dag var vonbrigðadagur og vera úr ritma eftir að spila svona frábært golf,“ bætti Poulter.

Spennandi að sjá hvernig þetta fer allt saman en úrslitin verða kunn eftir smá tíma – Poulter er sem stendur 1 höggi á eftir Bandaríkjamanninum Brooks Koepka og á eftir að spila 2 holur – Sjá skortöflu með því að SMELLA HÉR: