Evróputúrinn: Paul Lawrie í foyrstu snemma dags á Dubai World Championship

Dubai World Championship hófst í dag á Jumeirah Estates í Dubai. Nokkrir góðir hafa þegar lokið við að spila 18 holur og hefir Skotinn Paul Lawrie tekið forystuna, en hann kom inn í dag á glæsilegum 65 höggum, þ.e. -7 undir pari vallar. Aðrir sem lokið hafa leik eru t.a.m. Englendingurinn Ross Fisher, en hann kom í hús á 68 höggum og er sem stendur í 2. sæti. Öðrum sem lokið hafa leik hefir gengið síður t.a.m. Ernie Els, sem spilaði á +2 yfir pari, þ.e. 74 höggum og er í einu af neðstu sætunum.

Luke Donald er farinn út en eftir 1 spilaða holu er hann kominn með 1 skolla, en Rory McIlroy að sama skapi búinn að fá fugl eftir 1 spilaða holu. Martin Kaymer sem segist alveg hafa roð við Rory er búinn að spila 3 holur þegar þetta er skrifað og er á sléttu pari.

Staðan á eftir að breytast eftir því sem líður á daginn, en með því að smella hér má fylgjast með skorinu á þessum 1. degi:  DUBAI WORLD CHAMPIONSHIP – SKOR 1. DAGS